Maşın almaq istəyənlərə ŞAD XƏBƏR: Bu avtomobillər üçün gömrük rüsumu TƏLƏB OLUNMUR

Son 1.5 ildə Azərbaycanda hibrid və elektromobillərin kreditləşməsi say olaraq 700% artıb.

2022-ci ilin sonuna bankların kredit portfelində elektrik və hibrid avtomobillərinin cəmi minik avtomobil portfelində payı 17.8% olduğu halda, bu il iyunun 30-u tarixində müvafiq göstərici 59.9% təşkil edib.

Nəqliyyat məsələri üzrə ekspert Elməddin Muradlı bildirib ki, bu sahədə kəskin artımın olması hər bir halda müsbətdir.

“Azərbaycanda elektron avtomobillərə, xüsusən də, hibrid avtomobillərə maraq olduqca artıb. Çünki yanacağın qiyməti bahalaşdıqca insanlar daha ekonom avtomobillərə keçid etməyi qərarlaşdırıblar. Dövlətin də bu istiqamətdə böyük güzəştləri mövcuddur. Bu avtomobillər gömrük rüsumlarından azad olunduğu üçün qiymətlər də müəyyən qədər əlçatandır. Xüsusən Çin istehsalı olan elektrik və hibrid avtomobillər bazarda daha geniş satılmağa başlayıb, insanların da bunlara marağı daha yüksəkdir”. 

Ekspert bildirib ki, elektrik avtomobillərin alınması müasir və təhlükəsiz avtomobillərin alınması deməkdir. Nəticədə də Azərbaycanın avtomobil parkı yenilənir.

(referans)