Maşını harada park elədiyini unutdu, 2 il sonra tapıldı - BAQAJDAN 40 MİN PUL ÇIXDI - VİDEO

Almaniyada olduqca qəribə və nadir rast gəlinən hadisə yaşanıb. 

Avtosfer.az xəbər verir ki, 33 yaşlı kişi 2 il əvvəl park etdiyi avtomobilini tapa bilmədiyi üçün itmiş hesab edib. Nəticədə, o, bu müddət ərzində nəqliyyat vasitəsinin yerini unutduğu üçün axtarışlar da nəticəsiz qalıb.

Hadisə Münhen şəhərində baş verib. Şəxsin sözlərinə görə, avtomobilini park etdiyi yeri xatırlaya bilmədiyindən müxtəlif ərazilərdə axtarsa da onu tapa bilməyib. Maraqlıdır ki, 2 il sonra avtomobil tamamilə təsadüfi şəkildə, onun park etdiyi yerdən 4 kilometr uzaqlıqda aşkarlanıb.

Ən təəccüblüsü isə avtomobilin içindən 40 min avro pul və ümumi dəyəri 50 min avro olan müxtəlif əşyaların tapılması olub.

Avtomobilin saxlanıldığı ərazi uzun müddət tikinti səbəbilə bağlı olub. Məhz bu səbəbdən nəqliyyat vasitəsi heç kim tərəfindən fərq edilməyib.

Eltac Zülfüqaroğlu