Metropolitenin işini yüngülləşdirən qərar – DOST ÖLKƏNİN TƏCRÜBƏSİ - FOTO

Özbəkistanın Təhsil, Elm və İnnovasiyalar Nazirliyi Daşkənd metropoliteninin işini yüngülləşdirəcək qərar verib.

Avtosfer.az xəbər verir ki, metro xətti üzərində yerləşən ali məktəblərdə dərs saatları dəyişdirilib. 9 sentyabrda başlayacaq yeni dərs ilində universitetlərdə məşğələlərin başlama vaxtı saat 8.00, 8.30 və 9.00-a müəyyən edilib. Məqsəd metroda sərnişin axınının tənzimləməsinə kömək etməkdir.

Əslində burada qeyri-adi heç nə yoxdur. Oxşar təkliflə azərbaycanlı ekspertlər də dəfələrlə çıxış ediblər. Lakin Daşkənd təcrübəsində görürük ki, dost ölkədə məsələni 2 qurum inzibati yolla həll edib. 

Qeyd edək ki, 1977-ci ildə istismara verilmiş Daşkənd metrosu 4 xətt və 50 stansiyadan ibarətdir. Şəbəkənin ümumi uzunluğu 71 kilometrdir.

Vüqar Yaşaroğlu