Mükafat verən radar - FOTO

Dünyanın heç bir ölkəsində sürücülər sürətölçmə radarını sevmir. Səbəb məlumdur: radar sürücünün cibini “vurur”. Lakin əksi də olur.

Avtosfer.az-ın xəbərinə görə, Fransanın Ambuaz kommunasında fərqli radar quraşdırılıb. Belə ki, şəhərdəki yol ötürücüsünün üstündə 30 km/saat sürət limiti təbiq edilsə də, əksər sürücülər buna məhəl qoymur. Problemin həlli üçün işıqforun üzərində radar quraşdırılıb və hər 2 qurğu sinxron işləyir. İş prinsipi belədir: yolda hərəkət olmadıqda qırmızı işıq yanır. Hərəkət olduqda isə radar nəqliyyat vasitəsinin sürətini ölçür. Avtomobilin sürəti norma daxilində olduqda işıqfor sarı, ardınca isə yaşıl işığa keçərək sürücünü “mükafatlandırır”. Yəni, aşağı sürətlə gedən avtomobil dayanmadan yoluna davam edir. 

Sürət həddini aşan avtomobil üçünsə qırmızı işıq yanır. Əgər sürücü qırmızı işığa məhəl qoymadan yoluna davam edərsə, 10 saniyə sonra telefona mesaj gəlir: 135 avro + 4 cərimə balı. 
Təcrübə uğurlu alınacağı təqdirdə sürətli yollarda da tətbiq ediləcək.

Vüqar