Neft ölkəsində elektromobil sevgisi - FOTO

Avropanın əsas neft ölkəsi olan Norveçdə elektromobilə maraq günbəgün artır. 
Avtosfer.az xəbər verir ki, artıq bu Skandinaviya ölkəsində hərəkət edən hər 5 maşından biri elektriklə hərəkətə gəlir. Norveç Elektromobil Asssosiasiyasının statistikasına görə, ölkənin avtomobil parkının 20%-i 0 emissiyaslı maşınlardan ibarətdir. Yaxın 2 ildə isə bu rəqəm 30%-ə çatacaq. Bu il satılmış təzə maşınların 80%-i elektromobil olub. Elektromobili təşviq etmək üçün ölkədə ciddi kampaniyalar keçirilir. 
Bəzi avtomobil istehsalçıları bunu nəzərə alaraq yaxın illərdə Norveçdə yanacaqla işləyən avtomobil satışını dayandırmaq qərarına gəlib. Məsələn, “Volkswagen” bununla bağlı planını yaxın günlərdə rəsmən açıqlayacaq.

Vüqar