Norveçsayağı humanistlik: Sərnişini can verən təyyarəni enməyə qoymadı, amma... - FOTO

Norveç göyərtəsində halı kəskin pisləşən sərnişinin olduğu təyyarəni hava limanına enməyə qoymayıb. Səbəb kimi isə hava gəmisinin Rusiyaya məxsus olması göstərilib.

Məlumata görə, “Nordwind” aviaşirkətinin təyyarəsi Moskvadan Kubaya uçurmuş. Təyyarə qalxdıqdan bir neçə saat sonra sərnişinlərdən biri mədə xorası səbəbindən daxili qanaxma keçirib.

Sərnişinlərin sözlərinə görə, Oslo pilotlara Norveç hava limanlarına eniş icazəsi verməyib, bu səbəbdən təyyarə Moskvaya qayıdıb.

Daha sonra təyyarə paytaxtın Şeremetyevo hava limanına uğurla eniş edib. Eniş zamanı sərnişin sağ olub, uçuş zolağına gələn təcili tibbi yardım həkimləri onu dərhal xəstəxanaya aparıblar.

Qeyd edək ki, 2022-ci ilin fevralında Rusiyanın Ukraynada müharibəyə başlamasından sonra Norveç də əksər Avropa ölkələri kimi, Rusiyanın hava məkanından istifadəsinə qadağa qoyub. Ancaq bu dəfə Oslo təyyarə üçün istisna edərək ölkə üzərindən uçmaqla geri qayıtmasına icazə verib. Bunu Norveçdə mülki hava limanlarını idarə edən “Avinor” dövlət şirkətinin nümayəndəsi təsdiqləyib. Onun sözlərinə görə, səlahiyyətlilər bu uçuş üçün istisna etməyə razılaşıblar, çünki söhbət insan həyatından gedib.

Mənbə: “Shot” “Telegram” kanalı