Novruz Məmmədovun nümunəvi hərəkəti kameraya düşdü - VİDEO

Paytaxtda sabiq Baş nazirin nümünəvi hərəkəti görüntülənib.

Avtosfer.az xəbər verir ki, görüntülər bir neçə gün əvvəl Abdulla Şaiq küçəsində qeydə alınıb.

Belə ki, Azərbaycan Respublikasının 9-cu baş naziri olmuş Novruz Məmmədov əlində zənbillə piyada hərəkət edərkən işıqforda dayanıb. Avtomobillər üçün qırmızı işıq yandıqda piyada keçidindən istifadə edərək yolun digər tərəfinə keçib. Sabiq Baş nazir piyada hərəkət edərək öz sağlamlığını qoruyur, habelə qaydalara düzgün əməl edərək hamıya nümünə olur. Bəzi yüksək vəzifəli şəxslərin mühafizə ordusu ilə kortec qurub yollarda hərəkət etdiyini tez-tez müşahidə olunur. Ümid edirik ki, Sabiq Baş nazirin bu hərəkəti həm vətəndaşlara, həm də yüksək vəzifəli məmurlara örnək olacaq.

Qeyd edək ki, Novruz Məmmədov uzun illər Azərbaycan Respublikası Prezidenti Administrasiyasının Xarici əlaqələr şöbəsinin müdiri vəzifəsində çalışıb. 13 mart 2017-ci ildə Azərbaycan Respublikası Prezidenti İlham Əliyevin Sərəncamı ilə "Şərəf" ordeni ilə təltif olunub. 21 aprel 2018-ci il tarixindən Azərbaycan Respublikasının Baş Naziri təyin edilib və 8 oktyabr 2019-cu ildə bu vəzifədən istefa verib.

Məhəbbət Tərlanoğlu