Okeanda 1500 metrlik dalğa və ya dinozavrların məhvolma səbəbi - FOTO

Miçiqan Universitetinin əməkdaşları dinozavrların məhvolma səbəbi ilə bağlı yeni fərziyə irəli sürüblər. 
Fərziyəyə görə 66 milyon il əvvəl Çikşulub adlanan asteroid indiki Meksika ərazisində Yerlə toqquşub. Nəticədə Xirosimaya atınan bombadan 900 milyard dəfə böyük enerji ayrılıb. Toqquşma nəticəsində dalğanın hündürlüyü 1500 metrə çatıb. Saatda 140 kilometr saat sürətlə hərəkət edən dalğa, daha doğrusu sunami Atlantik okeana doğru hərəkət etdi. 
Bir neçə günə dünya okeanını dolaşan dalğaların hündürlüyü Atlantik okeanının şimalında 14 metrədək endi. 
Sunami okeanda ciddi eroziyaya səbəb oldu, bir çox canlının, o cümlədən dinozavrların kütləvi məhvi ilə nəticələndi.  
Alimləri həmin asteroidin Yerlə toqquşmasını 2004-cü ildəki sunami ilə müqayisə edirlər. Hind okeanında yaranan bu sunami 230 min nəfərin həyatına son qoymuşdu. Çikşulubun yaratdığı sunami isə bundan 29 000 dəfə güclü idi.

Vüqar