Pilotu qandallayan stüardessa 83 nəfəri xilas etdi

Bu qəribə hadisə ötən oktyabrda baş versə də, təfərrüat bu gün üzə çıxıb. 

Avtosfer.az xəbər verir ki, “Alaska Airlines” şirkətinin təyyarəsi 8 min metr yüksəklikdə uçarkən pilotlardan biri kokpitdəki 2 qırmızı dəstəyi geri çəkmək istəyib. Digər pilotlar onun bu hərəkətinə mane olaraq uçuşa adi qaydada davam ediblər. Əgər pilot istəyinə nail olsaydı, təyyarənin hər 2 mühərriki sönəcək və 83 nəfər məhv olacaqdı.
Lakin pilot bununla da dinc dayanmayıb. Həmkarları onu pilot kabinəsindən çıxardıqdan sonra pilot salonun qapısını açan dəstəyi çevirməyə cəhd edib. Lakin stüardessa cəld tərpənərək onu qandallaya bilib. Hava gəmisinin heyəti isə təyyarəni yaxınlıqdakı Portlend hava limanına endirməyə qərar verib.
İndi isə məlum olub ki, uçuşdan bir neçə gün əvvəl pilot piknik vaxtı dostları ilə birgə narkotik tərkibli göbələk yeyib. Adi halda bu göbələyin təsiri 3-4 saata keçdiyi halda, pilotda təsir 3 gündən çox qalıb. O, psixoloqla söhbətində bildirib ki, hallüsinasiyada olub. Ona elə gəlib ki, gözünün qarşısında olan 2 qırmızı dəstəyi geri çəkərsə yuxudan ayılacaq.
Pilota məcburi müalicə təyin edilib, təhqiqat davam edir.

Vüqar