Pişik 6 nəfəri yanmaqdan “xilas etdi”

Rusiyanın Nijni Novqorod vilayətinin Qorodişçi kəndində üçmərtəbəli yaşayış binasında yanğın baş verib.

Avtosfer.az xəbər verir ki, binanın mənzillərindən birində olan pişik tüstünün iyini hiss edərək, sahibini oyadıb.

Ev heyvanının gözlənilməz davranışından şübhələnən şəxs mənzili yoxlamağa gedib. Binanın yandığını gördükdə dərhal Rusiya Fövqəladə Hallar Nazirliyinə zəng edərək qonşularına baş çəkməyə başlayıb. Nəticədə pişik sahibini və daha 5 nəfəri xilas edə bilib. Lakin yanğınsöndürənlər yanan mənzildə huşunu itirmiş 3 nəfəri ölü vəziyyətdə aşkar ediblər.

Məhəbbət Tərlanoğlu