Polisin sayıqlığı sərxoş sürücünü xilas etdi

Fransanın Bordo şəhərində sərxoş sürücünün “qısa yolla getmək” istəyi faciə ilə bitəcəkdi.  

Avtosfer.az-ın xəbərinə görə, 22  yaşlı bordolu dostları ilə yeyib-içdikdən sonra avtomobillə evə qayıtmalı imiş. Bu zaman onun ağlına “daha qısa yolla getmək” gəlir. Həm də bu yolla polisdən yayınmaq mümkün olacaqmış. 
Amma iş tərs gətirir. Gəncin avtomobili dəmir yolunda ilişib qalır. Bunu görən polislər özləri həyatlarını riskə ataraq gənci avtomobildən çıxarırlar. Cəmi 30 saniyə sonra gələn qatar maşını 100 metrdən çox sürüyür. 
İş bununla bitmir. Ertəsi gün hakim qarşısına çıxarılan sürücüyə başqasının həyatınıə təhlıükədə qoyma maddəsi ilə ittiham irəli sürülür. Lakin vəkilin peşəkarlığı sayəsində bu ittiham götürülür. Vəkil dəmir yolu xəttinə aparan yolların işarələnmədiyini əsas gətirərək müdafiə etdiyi şəxsə kompensasiya tələb edir. Qarşı tərəfin vəkili isə qatarın təmirini sərxoş sürücünün boynuna qoymaq istəyir. 
Lakin məhkəmə onu yenə də 1 il sürücülük hüququndan məıhrum edir. Növbəti avtomobilini aldıqda isə yalnız öz hesabına alkotester quraşdırdıqdan sonra idarə edə biləcək. 
Qəzada zədələnən qatarı kimin təmir etdirəcəyinə isə məhkəmə gələn həftə qərar verəcək.

Vüqar Yaşaroğlu