“Putinin bizim tərəfimizdə olduğunu düşünürük”- Ağdamdakı qoca erməni...

Maraqlı 15 Oktyabr 2020 11:40

WhatsApp kanalımıza abunə ola bilərsiniz

“Baxmayaraq ki, o, azərbaycanlılara silah satır...”

“Düşünürəm ki, hər şey Putindən asılıdır. Televiziyalarda sülhməramlıları gətirmək lazım olduğunu söyləyirlər - burada yalnız rus xristian qardaşlarımızı gözləyirik. Başqa kimsə burada həqiqi barışıq təmin edə bilməz...”

Avtosfer.az xəbər verir ki, bu sözləri Rusiyanın “Kommersant” nəşrinin müxbiri Aleksandr Çernıxa Ağdam rayonunun işğal altındakı mərkəzinə yaxın kəndlərindən birində sülənən qoca erməni deyib.

“Ümumiyyətlə, kənddə 400 erməninin yaşadığı deyilir. İndi təxminən 50 nəfər qalıb. Qadınlar və uşaqlar Ermənistandakı qohumlarının yanına göndərilib, oğlanlar və cavan kişilər isə cəbhəyə gediblər” – Rusiya nəşri belə yazır.

Müxbirin olduğu kəndin adı çəkilmir.

“Burada Rusiya televiziyasına baxırıq - ağ kapitan papağında olan ağ saçlı Rafik danışır – Baxırıq və Putinin bizim tərəfimizdə olduğunu düşünürük. Baxmayaraq ki, o, azərbaycanlılara silah satır. Xristianların qanı üzərində ticarət etmək olmaz...”

Mamvel adlı erməninin 10 hektarlıq nar, üzüm və xurma, sahəsindən təxminən 300 ton məhsul aldığı deyilir.

"Hər şey Ermənistan vasitəsi ilə Rusiyaya gedir. Məsələn, mən meyvələri Moskvaya - mağazalara, bazarlara satıram” - deyir erməni...

Qeyd edək ki, rus müxbir Ağdamın kəndində Azərbaycan ordusunun artilleriya zərbələrinin hər hansı bir nişanələrindən danışmır. Ancaq eyni rus nəşrinin Cəbrayılın Cocuq Mərcanlı kəndində olmuş müxbiri Kiril Krivoşayev bu kənddə ermənilərin atdığı mərmilərin, eləcə də “Smerç” mərmisinin bir sıra evlər, o cümlədən Oqtay Qazıyev adlı sakinə məxsus dükanı dağıtdığını vurğulayır. Həm də Azərbaycan kəndində sakinlər hansısa xarici dövlətin yox, öz dövlətlərinin kömək edəcəyinə inandıqlarını söyləyirlər...

Nərminə

FOTO QALEREYA