Qaraja girən kişi ac ayı ilə qarşılaşdı

ABŞ-ın Pensilvaniya ştatının sakini evinin yaxınlığındakı qaraja gedərək ayı ilə qarşılaşıb. Avtosfer.az xəbər verir ki, bu barədə WJAC məlumat yayıb.

John Swartz su şlanqını bağlamaq üçün qaraja girib və təsadüfən yemək üçün zibil qutusunu axtaran ac ayı ilərastlaşıb.. Heyvan adama hücum edib və onu divara sıxaraq başını dişləyib, sonra isə qaçıb.

Amerikalı qaçaraq evə girib və qorxmuş arvadı həkimləri çağırıb. Həmin şəxs xəstəxanaya çatdırılıb, həkimlər yaraya qulluq edib və ona tetanoz iynəsi vurublar.

Hadisə yerinə polis gəlib. Vəhşi təbiəti mühafizə edənlər ayı tutmaq üçün tələ qurublar. Swartz hücuma baxmayaraq, ayının evtanaziya edilməsini istəmədiyini vurğulayıb.

Leyla