Qarpız yüklü maşınla toqquşan BMW-nin sürücüsü gülüş obyekti oldu - VİDEO

Bu video Özbəkistanda qeydə alınıb.

Avtosfer.az xəbər verir ki, BMW sürücüsü “Chevrolet Cobalt”ın onu ötməsini obrazlı desək, həzm edə bilməyib və öz aləmində kasıb sürücünü cəzalandırmaq qərarına gəlib. Lakin nəticə onun istədiyi kimi olmayıb.
Videodan görünür ki, “Cobalt”ı sağdan ötən BMW sürücüsü idarəetməni itirərək yolun sağında dayanmış qarpız yüklü “Damas”a çırpılır. Hər 2 avtomobil yol kənarındakı uçuruma yuvarlanır. BMW sürücüsü xəsarət alır. “Damas”ın sahibi kənarda olduğu üçün canını qurtara bilsə də, həm avtomobil, həm də qarpızlar yararsız hala düşür.
Bu video yayıldıqdan sonra BMW sürücüsü sosial mediada gülüş obyektinə çevrilib.

Vüqar Yaşaroğlu