“Qatil balina” yaxtanı “sürmək” istədi

Şotland sahillərində qatil balina 72 yaşlı hollandiyalı təqaüdçü Wim Ruttenin yaxtasına çırpılıb. Avtosfer.az xəbər verir ki, bu barədə The Guardian məlumat yayıb.

Hadisə iyunun 19-da yaxta Şotlandiyanın Lervik şəhərindən Norveçin Bergen şəhərinə üzərkən baş verib. Qatil balina yeddi tonluq gəminin arxa hissəsinə çırpılıb.

Zərbədən sonra qatil balina yaxtanın arxasında qalıb və gözdən itib, lakin tezliklə geri qayıdıb və yüksək sürətlə yenidən yan tərəfə çırpılıb. İki-üç zərbədən sonra balina bir müddət yaxtanın ətrafında dövrə vurub.

Alimlərin bildirir ki, yaxtalara hücuma aludə olan qatil balinalar bunu digərlərinə də öyrədir. Bir qayda olaraq, qatil balinalar kiçik yelkənli gəmiləri hədəfə alır və eyni taktikaya əməl edirlər: onlar arxa tərəfdən üzüb, qayıq dayanana qədər itələyirlər.

Leyla