Qərb Orta Asiyaya uşaqlar vasitəsilə girir?

Son həftələrdə Orta Asiya respublikalarında, xüsusilə də Özbəkistanda yeni, arzuolunmaz tendensiya yaranıb. 

Avtosfer.az xəbər verir ki, söhbət kvadrobinq deyilən tendensiyadan gedir. Yəni, uşaqlar və yeniyetmələr heyvan paltarı geyir, əlləri üstə (iməkləyən uşaq kimi) gəzirlər. Bununla yanaşı onlar it səsi çıxararaq ətrafdakıları da qorxudurlar. 

Bunu bir neçə nəfər etsə bəlkə də ciddi qəbul etməmək olardı. Axı hansısa yeniyetmənin yaramaz iş görməsi başadüşüləndir. Amma iş kütləvi hal alırsa, deməli səbəbsiz deyil. 

Bəzi ekspertlər bunu Qərbin başladığı yeni oyun hesab edir. Yəni, Özbəkistan kimi sabit, ailə dəyərləri möhkəm olan cəmiyyətlərə başqa yolla sızmaq mümkün deyil. Buna görə də uşaqlardan başlamaq daha əlverişlidir. İşin pis tərəfi budur ki, valideynlər də bu alt mədəniyyətin sonrakı fəsadlarını başa düşmürlər. İddia edirlər ki, bu yolla uşaqlar telefondan uzaqlaşır və açıq havada vaxt keçirirlər.  

İşin yaxşı tərəfi budur ki, Özbəkistan hökuməti məsələnin qarşısını böyümədən almağa çalışır. Bu hərəkəti edən uşaqların valideynləri 1,85 milyon som (250 manat)  cərimələnir. Artıq ötən gün Daşkənddə 2 nəfər cərimələnib.

Vüqar