Qırmızı işıqda keçdikləri üçün taksi sürücüsünə 1400 dollar verəcək

Çinin Henan əyalətinin Puyanq şəhərinin sakini taksi sürücüsündən işıqforun qırmızı işığında keçməsini istəyib və bunun üçün 1 400 dollardan çox pul vəd edib.

Avtosfer.az bildirir ki, bu barədə "South China Morning Post" məlumat yayıb.

Çay adlı sürücü 30 yaşlarında olan kişini Puyanqdan 322 kilometr aralıda yerləşən Şijiazhuanq şəhərinə aparıb. Tezliklə sərnişin geri qayıdıb, dərhal taksi sürücüsünün hesabına doqquz min yuan (1 300 dollar) köçürüb və onu tez bir zamanda aparmağı tələb edib. Sonradan məlum olduğu kimi, o, qohumları ilə mübahisə etdikdən sonra əsəbiləşib.

İşıqforun yandığı birinci kəsişməyə çatanda həmin şəxs Çaydan qadağan siqnalına baxmayaraq dayanmamasını istəyib. Çay ona yol hərəkəti qaydalarını pozmağa hazır olmadığını başa salmaq istəyəndə sərnişin deyib ki, hər qırmızı işıqda keçənə görə ona 10 min yuan (1 400 dollardan çox) ödəyəcək.

Sonrakı üç dəqiqə ərzində Çai 30 000 yuan (4 300 dollar) alıb, lakin qırmızı işıqda keçməkdən imtina edib. Sərnişin sürücüyə 10 milyon yuandan (1 milyon 451 min dollar) artıq olan hesabını göstərib. Çay daha sonra sərnişinin onu qorxutduğunu və qorxusundan hesab məlumatlarını ona verdiyini söyləyib. O, qorxmasına baxmayaraq, sərnişinin tələblərini yerinə yetirməkdən boyun qaçırıb və polisə müraciət etmək qərarına gəlib. Bu zaman sərnişin əsəbləşərək sayğacı və sürücü ilə sərnişinləri ayıran şüşə ekranı sındırıb.

Avtomobilini dörd kilometr sürən Çay başqa bir taksinin yanında dayanıb və sürücüdən kömək istəyib. Bu zaman sərnişin maşından qaçaraq piyada yoluna davam edib. Çay hadisə barədə polisə məlumat verib və bu pulu qazandığına inanmadığı üçün kişidən aldığı 39 min yuanı (5 600 dollar) qaytarmaq istədiyini bildirib.

Polis araşdırmasından sonra Çay öyrənib ki, kişi taksiyə minməzdən əvvəl ailəsi ilə mübahisə edib. O, əsəbiləşərək özünü itirdiyindən sürücüdən yol hərəkəti qaydalarını pozmasını istəyib.