Qiyamət gününün əsas səbəbi müəyyən edildi: Yer kosmosda böyük ...

NASA ailmləri hesab edir ki, Yer öz oxu ətrafında böyük sürətlə fırlanır. Ekvatorda fırlanma sürəti 1674,4 km/saatdır (465,1 m/s). Müqayisə üçün qeyd edək ki, uçuş zamanı sərnişin təyyarəsinin kruiz sürəti 800-900 km/saat təşkil edir.

Yer də Günəş ətrafında orta hesabla 29,76 km/s sürətlə fırlanır. Sürət sabit deyil və 30,27 km/s – 29,27 km/s arasında dəyişir. Elm adamlarının dəlillərinə görə, bunlar Yerin kosmosda etdiyi bütün hərəkətlər deyil.

Günəş sistemi bütün planetləri ilə birlikdə qalaktikanın mərkəzi ətrafında orta hesabla 230 km/s (828.000 km/saat) sürətlə hərəkət edir. Günəş sisteminin 230 milyon (Yer zamanı) yaşı olduğu deyilir. Günəş sisteminin hərəkəti bu animasiyada təsvir edilə bilər:

828.000 km/saat təsəvvür etmək çətin olan sürətdir. Lakin bunlar ümumi sürətlər sistemindəki bütün sürətlər və Kainatın məkanındakı vektorları deyil.

Alimlər hesab edir ki, Kainat getdikcə genişlənir, bütün qalaktikalar harasa hərəkət edir. Bu araşdırmaların nəticələrindən belə anlaşılır ki, əsas Qiyamət günü Andromeda dumanlığının sürətlə qalaktikamıza yaxınlaşması ilə izah edilir. Və belə bir fikir var ki, qalaktikaların toqquşması həmin dəhşətli günün başlanğıcı olacaq. Amma bu, ən azı 4,5 milyard ildən sonra baş verəcək.

NASA-da çalışan alimlər planetlərin istənilən paradını (onların ekliptik müstəvidə düzülüşü) təhlil edib bu qənaətə gəliblər ki, cazibə qüvvələri yekunda toqquşmaları şərtləndirən əsas amilə çevriləcək. Belə olan halda başqa hadisələr, o cümlədən planetlərin hər hansısa orbital hərəkətdən sapması da baş verəcək. Bu isə dəhşətli ətalət qüvvəsi yarada bilər. Bu sürətlə planetlərin səthində kütləvi qarışıqlıq yarana bilər. Bununla da hələ bu günə qədər görünməyən qasırğalar başlayacaq. Okeanlarda daimi sunamilər olacaq. Hətta yüksək dağlar ovulub töküləcək.

Deməli, elm də Kainatda hansısa Qiyamət günündən danışır.

Mənbə: Konkret.az