![Bakıdakı yataqxanada rütubətdən ağac bitib: Qurumlardan reaksiya yoxdur - FOTO](/upload/news/small/2346349.png)
Qızmar yay günündə qara geyinən taksi sürücüsünün “arqumenti”
![Qızmar yay günündə qara geyinən taksi sürücüsünün “arqumenti”](/upload/news/4245117.jpeg)
İsti havada qara geyinmək insanın vəziyyətini daha da çətinləşdirir. Hamı bilir ki, yayda açıq rəngli paltar geyinmək daha rahatdır. Lakin bunun əksini edənlər də var.
Bu günlərdə avtomobilinə əyləşdiyim bir taksi sürücüsünün yanaşma tərzi məni bunu yazmağa vadar etdi. Cərimələrdən, qayda-qanundan danışan sürücü bildirdi ki, ona 10 gün ərzində 3 cərimə gəlib. Hər üçü də təhlükəsizlik kəmərindən istifadə etmədiyi üçün. Sonra isə o, başqa sürücülərin məsləhəti ilə qara paltar geyinib. Sən demə, radarlar qara paltarda kəmərin taxılıb-taxılmadığını müəyyən edə bilmir.
Beləliklə, bu sürücü bir aya yaxındır kəmər taxmasa da, heç bir cərimə gəlməyib. Yalnız yol polisini görəndə kəməri qoluna keçirir.
Bu yolla kameraları aldadan sürücü bütün qəlbi ilə əmindir ki, “kəmər boş şeydir, heç kimi qorumur”. Həm də kəmər taxmaq onu darıxdırır.
Amma məsələnin başqa tərəfi də var. Polis və texnologiya yerində saymır. Görəsən kameralar bir müddət sonra qara geyində kəmər taxılmadığını aşkarlasa nə olacaq? Xalqımızın məsəli var ki, “atam bicdir kündəni sayır, anam bicdir kündədən kəsir”.
Vüqar