Radar düz işləmir, sürücülərə cərimə gəlib

Texniki xəta Fransanın Luar və Şer departamentində qeydə alınıb. Avtosfer.az-ın xəbərinə görə, radar yoxlanışdan keçərkən texniki işçinin xətasına görə gələn deyil, gedən avtomobilləri çəkirmiş. 

Gələn yolda sürət həddi 90 km/saat, gedən yolda isə 70 km/saat müəyyən edilib. Bir həftə ərzində gedən sürücülərdən 54 000 nəfərə sürət həddini 20 km/saat aşdığı üçün 45 avro və 1 cərimə balı tətbiq edilib. 

Xətanı yerli bələdiyyənin sədri aşkara çıxarıb. Belə ki, 2 gün ərzində ona 2, arvadına da əlavə olaraq 2 inzibati xəta protokolu gəlib.  Sədr  adəti üzrə 60 km/saatdan yüksək sürətlə getmədiyini əsas gətirərək məsələni araşdırıb və texniki xəta ortaya çıxıb.

Polisdən verilən məlumata görə, artıq həmin radarda xəta aradan qaldırılıb. Cərimə protokolları ləğv edilib. Cəriməni artıq ödəmiş sürücülərin isə pulları kart hesablarına geri qaytarılıb.

Vüqar