Rusiyada maşın ustası qıtlığı – Bizim orada işləməyimizə nə mane olur? - FOTO

Rusiyada avtomobil servisi baxımından ciddi kadr qıtlığı mövcuddur. 

Avtosfer.az xəbər verir ki, şimal qonşumuzun 150 min nəfər mühərrik ustasına, dəmirçiyə, rəngsaza, elektronçuya, satıcıya, marketoloqa və digər peşələrə ehtiyacı var. 
Servislərdə ixtisaslı işçilərin sayı durmadan azalır. Kolleclərdən seçilən hər 10 şagirddən biri servisdə uzun müddət işləyir. Əksəriyyət təıcrübə toplayan kimi başqa sahəyə yönəlir. 
Son illərdə müharibə və kişilərin ölkəni tərk etməsi problemi daha da ciddiləşdirib. Ötən ay bu sahədə hər boş vakansiya üçün cəmi 0,9 namizəd müraciət edib.
Bu sahədə kadr qıtlığının əsas səbəbi peşənin nüfuzunun az olmasıdır. Rəsmi servislöərdə maaş da ürəkaçan deyil. Amma qeyri-rəsmi sahədə kifayət qədər gəlir var.
Bu sahədə qıtlıq azərbaycanlı mütəxəssislərin işinə yaraya bilər. Şimal qonşumuzda işləyərək pul qazanmaq mümkündür. Lakin bizim gənclərimizin bu sahədə ən böyük problemi dil bilməməkdir.

Vüqar