Rusiyada taksi fəaliyyəti ilə məşğul olan azərbaycanlılara daha bir maneə

Rusiyada əcnəbilərin taksi (ümumi planda sürücülük fəaliyyəti – müəl) fəaliyyəti ilə məşğul olması ildən-ilə çətinləşir.

Avtosfer.az xəbər verir ki, Dövlət Dumasına taksi fəaliyyəti ilə bağlı yeni qanun layihəsi təqdim edilib. Liberal Demokrat Partiyasının hazırladığı layihədə taksi fəaliyyəti ilə məşğul olmaq istəyən əcnəbilərin sürücülük imtahanı verməsi tələb edilir. 
Layihə müəllifləri artıq taksi işi ilə məşçğul olanlara da qarşı tələb irəli sürüblər. onlar yeni başlayanlardan fərqli olaraq yalnız praktik imtahan verməlidirlər. Son müddət 2025-ci ilin iyunu müəyyən edilib.

Qanun layihəsi payız sessiyası ərzində müzakirə ediləcək.  
əslində məsələnin mahiyyəti bir qədər fərqlidir. Rus qanunvericilər bu yolla minlərlə insanı vətəndaşlıq almağa məcbur etmək istəyirlər. Ukrayna ilə müharibə başlayandan Rusiya pasportu əldə etməyə maraq azalıb. Hökumət bu cür tədbirlərlə əcnəbiləri naturaliasiya edərək həm işçi qüvvəsi, həm də döyüşçü qüvvəsi (rusların təbirincə desək top əti) əldə etmək istəyir.

Vüqar