Sahibindən xəbərsiz əzilən avtomobil - VİDEO

Geriyə hərəkət edərkən parklanmış avtomobili əzdi.
Avtosfer.az xəbər verir ki, hadisə İspaniyanın Granada əyalətində qeydə alınıb. Sosial şəbəkələrdə qınaq obyektinə çevrilən hadisədən bəlli olduğu kimi, məhsul daşıyan nəqliyyat vasitəsi şəhərin arxa məhəlləsində yerləşən marketə lazımi malları verdikdən sonra ərazidən çıxmağa çalışarkən yol kənarında park edilmiş “Chevrolet” markalı avtomobilə dəyir. İlk zərbə ilə kifayətlənməyən yük avtomobili “Chevrolet”ə ikinci dəfə toxunaraq onun yan tərəfini daha da əzir. Avtomobili yerindən tərpədərək pis hala salan sürücü hadisə yerindən uzaqlaşsa da, aidiyyatı qurumlardan qaça bilmir. Səbəbkar ifadəsində avtomobili əzdiyindən xəbərsiz olduğunu qeyd edib və törətdiyi qəzanın cəriməsini ödəyəcəyini bildirib. 

Nərmin Əkbər