Şamaxıda növbəti Hava Şarları Festivalı keçiriləcək

İyunun 8-9-da Şamaxıda növbəti Hava Şarları Festivalı (Balloon Festival) keçiriləcək.

Avtosfer.az xəbər verir ki, iyunun 8-i və 9-da səhər saatlarında (saat 05:00-08:00 aralığında) baş tutacaq uçuşlar zamanı Şamaxının Meysəri kəndi üzərindən səmaya müxtəlif rəng, forma və dizaynda hava şarları qalxacaq. Hava şarlarında turistik uçuşlar hələ ki, həyata keçirilmir. Lakin yerli pilotların beynəlxalq mütəxəssislərlə birgə həyata keçirəcəyi nümayiş uçuşlarını Meysəri kəndi ərazisindən hər kəsin seyr etmək imkanı olacaq.

Xatırladaq ki, Şamaxıda ilk hava Şarları Festivalı ötən ilin iyun ayında keçirilib. Festival ilk dəfədən böyük marağa səbəb olub.