Sərnişinlərin stüardessalara verdikləri ən bezdirici suallar sadalandı - FOTO

Britaniyalı stüardessa Den Eyr sərnişinlərin heyət üzvlərinə verdikləri ən bezdirici suallar barədə danışıb. Onun sözlərinə görə, ən xoşagəlməz suallardan biri sərnişinlərin təyyarənin hazırda uçduğu yer barədə soruşmalarıdır.

Bundan əlavə, heyət üzvləri əlavə yemək, biznes sinfinə keçmək imkanı və ya koridorda dayanma tələbləri ilə bağlı tələblərdən bezirlər.

Stüardessalar həmçinin bildiriblər ki, təyyarədə partlayıcı qurğularla bağlı istənilən zarafat və suallar tabudur.

“Düşünə bilərsiniz ki, kim təyyarədə bombadan danışacaq qədər axmaqdır? Əslində, bu, düşündüyünüzdən daha tez-tez olur”,  - deyə stüardessa bildirib.

O, bu halın təkcə yol yoldaşları və heyət üzvləri ilə problem yaratmaqla bitmədiyini, hətta həbsxanaya düşməklə nəticələnə biləcəyi barədə xəbərdarlıq edib.

Eyrenin sözlərinə görə, ekipaj üzvlərindən çamadanı yuxarı rəfə qaldırmağı tələb etmək olmaz, çünki bu, onların məsuliyyəti deyil.

“Ən çox nifrət etdiyim şey isə “sən sadəcə təyyarədə ofisiantsan” kəlmələridir. Xoşbəxtlikdən, bu gün uçuşlar əvvəlkindən daha təhlükəsizdir, ona görə də bizim ilk yardım bacarıqlarımız daha az nəzərə çarpır, lakin bu, onlardan istifadə olunmur demək deyil”, - deyə stüardessa bildirib.