Sərxoş sürücü polis avtomobilinə gürzə buraxdı

Qəribə hadisə Fransanın Amyen şəhərində baş verib. 
Avtosfer.az-ın xəbərinə görə, polis qeyri-adekvat davranan sürücünü saxlayıb.  Qanun keşikçiləri onu alkoqol müayinəsi üçün maşına dəvət edəndə o, öz avtomobilindəki gürzəni polis avtomobilinə buraxıb. Çarəsiz qalan polis sərxoşluğu aşkar hiss edilən sürücünü buraxıb.
Lakin sərxoş sürücü uzaq gedə bilməyib. Başqa bir jandarm briqadası onu 1 kilometr kənarda saxlayaraq hakim qarşısına çıxarıb. Ona qarşı sərxoş vəziyyətdə nəqliyyat vasitəsini idarə etmə və zor tətbiq etmə maddələri ilə ittiham irəli sürülüb.  Sürücülük vəsiqəsi isə ləğv edilib.