Silahlı qüvvələrdə rekord xidmət ömrü olan yeddi təyyarə - SİYAHI

Business Insider hərbi xidmət müddətində rekord qıran yeddi təyyarəni siyahısını yayımlayıb. Siyahıda sonlarda yer alan təyyarə Şimali Amerika OV-10 Bronco-dur. Bu əks-partizan müharibəsində istifadə üçün nəzərdə tutulmuş Amerikaya məxsus yüngül hücum və kəşf təyyarəsidir. Təyyarə 52 ildir ki, istifadədədir. Hələ də hərbi əməliyyatlarda istifadə olunur.

Onun ardınca Douglas AC-47 Spooky gəlir. 

Təyyarə Vyetnamda 60-cı illərin ortalarında istifadə edilmişdir. Hazırda da Kolumbiya Hava Qüvvələrində xidmətdədir. Siyahıda sonrakı yeri MiG-21 tutur. Bu, təyyarə ilk dəfə 1956-cı ildə havaya qalxıb. Hindistan, Xorvatiya, Serbiya və Misir Hərbi Hava Qüvvələri bu gün MiG-21 istifadə etməyə davam edir. Siyahıda 1956-cı ildə də çıxan Boeing KC-135 Stratotanker də var. Təyyarənin daha 40 il uçacağı gözlənilir.

Siyahıda üçüncü yeri Tu-95 strateji bombardmançı təyyarəsi tutur. İlk dəfə 1952-ci ilin sonunda göylərə qalxıb. İkinci yerdə Boeing B-52 Stratofortress strateji bombardmançısı gəlir. İlk yer 1947-ci ildə reallaşan An-2-yə verilib. Bu gün Şimali Koreya və Estoniya hələ də An-2-lərindən istifadə edirlər.