Skuter probleminin həlli – XARİCİ TƏCRÜBƏ

Bakıda skuterlərin doğurduğu problemlər hamıya məlumdur. Məsələ burasındadır ki, artıq bu nəqliyyat vasitəsindən başqa şəhərlərdə də istifadə edənlərin sayı artır.

Paralel olaraq narazılıqlar da çoxalır. Bəs bu problemi başqa ölkələrdə necə həll edirlər?

Avtosfer.az xəbər verir ki, ABŞ-də skuterlər problemi əsasən həll edilib. Qanuna görə bu ölkədə skuter yalnız velosiped cığırı və avtomobil yolu ilə hərəkət edə bilər. Şose yolları istisnadır. Avtomobil kimi skuter də səki ilə hərəkət edə bilməz.

Bu nəqliyyat vasitəsinə avtomobil üçün tətbiq edilmiş bütün qaydalar tətbiq edilir. Skuter sürücüsü qırmızı işıqda dayanmalı, dönərkən əllə işarə verməli, hərəkət üstünlüyü olan nəqliyyat vasitəsini buraxmalıdır. Törədilən xətaya görə sürücü və ya skuter idarə edənin məsuliyyəti arasında fərq yoxdur. 
Skuteri icarəyə götürən şəxs xüsusi sürücülük vəsiqəsinin fotosunu da portala yükləməlidir. Ən başlıcası isə, hərəkət zamanı dəbilqədə olmalıdır.  Bu aksesuarı icarəyə də götürmək olar, pulsuz əldə etmək də.

Vüqar