Spirt hər sürücüyə eyni cür təsir edirmi? - FOTO

Yəqin ki əziz oxucu ömründə bir dəfə də olsa “mən içəndə yaxşı sürürəm” deyən şəxsə rast gəlib. Bu xüsusiyyəti ilə öyünənlər hər bir ölkədə var və olacaq. Bəs ümumiyyətlə, içki hər sürücüyə eyni cür təsir edirmi?

Avtosfer.az xəbər verir ki, Belçikanın VIAS təşkilatı bu təsiri yoxlamaq üçün 6 könüllü sürücü üzərində test aparıb. 2 qədəh şərabdan sonra demək olar bütün sürücülərin qanında alkoqol həcmi 0,5 promilə çatıb. 4-cü qədəhdən sonra alkoqol miqdarı 0,6-0,77 promil arası dəyişib. Cəmi 1 sürücüdə 4-cü qədəhdən sonra miqdat 0,44 promil olaraq qalıb. Səbəb həmin şəxsin böyük miqdarda qida qəbul etməsidir. 

Ümumi planda qanda alkoqolun miqdarı orqanizmin kütləsindən, qida qəbulundan və orqanizmin xüsusiyyətlərindən asılıdır. Amma hər bir halda, içkili halda daha yaxşı maşın idarə etmək söhbəti nağıldan başqa bir şey deyil.

Vüqar