Stalinin maşınını vuran sürücü qızın taleyi necə oldu? - FOTO

Stalinin sərəncamında olan avtomobillərin sayı çox deyildi. Həm də özü heç vaxt maşın sürməyib. İndi danışacağımız hadisə isə 1946-cı ildə Krımda baş verib. 

Avtosfer.az-ın xəbərinə görə, “millətlər atası” Simferopoldan yaltaya gedərkən dağ aşırımında avtomobilin (ABŞ istehsalı olan Packard) qarşısına GAZ M1 markalı avtomobil çıxır. Stalinin sürücüsü peşəkar olsa da, qəzadan yayınmaq mümkün olmur. Dövlət başçısının avtomobili zədələnməsə də, M1 əzilir. 
Maşından ilk düşən elə Stalin özü olur. O, əlini üzünə qoyub “bütün təqsirlər məndədir” deyir. M1-in sürücüsü olan gənc qız da maşından düşür və çaşqın halda Stalindən soruşur: siz indi necə yola davam edəcəksiniz?
Bu yerdə isə Stalin tam başqa cür davranır. O, qızı sakitləşdirərək bildirir ki, avtomobil zirehlidir,  heç bir zədə yoxdur. Qızın da maşınını özü dzəltdirəcək. 
Bu zaman hardansa bir milis işçisi peyda olub qızı təqsirləndirməyə başlayır. Stalinin isə yanaşması başqa cür olur. Maşında onunda birgə hərəkət edən KQB sədri Abakumova tapşırır ki, qızla bağlı heç bir təhqiqat aparılmasın. Zədələnmiş avtomobil isə təmir edilsin. Amma Abakumov çekist xislətinə uyğun olaraq qızı sorğu-sual edir. 
Stalinin “Packard”ının taleyinə gəlincə: rəhbərin ölümündən sonra avtomobil bir neçə dəfə əl dəyişdi. 90-cı illərdə isə saxta sənədlə (kino çəkilişi) Ukraynaya aparıldı və hazırda bir yəhudi əsilli oliqarxın qarajındadır.

Vüqar Yaşaroğlu