Sürücülük vəsiqəsi satan müəllim və polis həbs edildi

Fransada rüşvət müqabilində sürücülük vəsiqəsi satan şəbəkə ifşa edilib. 
Avtosfer.az-ın xəbərinə görə, təhqiqat zamanı 1 təlimçi müəllim, 1 polis zabiti və 2 Bolqarıstan vətəndaşı həbs edilib. Onların 6 500 avro müqabilində heç bir imtahan verməyən, dərsə gəlməyən şəxslərə sürücülük vəsiqəsi satmaqda ittiham olunurlar. Müştərilər isə bir qayda olaraq əcnəbilərdir. 
Şəbəkənin bu yolla nə qədər qazandığı məlum olmasa da, müxtəlif hesablardan 300 000 avro müsadirıə olunub. 
Şəbəkənin ifşa olunmasına polis zabitinin şübhəli davranışı əbəb olub. Belə ki, onu tez tez əlində çox sayda biletlə görüblər. Üstəgəl, onun nəzarətində olan imtahanlarda müvəffəqiyyət səviyyəsi çox yüksək olub.

Vüqar