Taxtadan pikap hazırladı – İlon Maskla görüşə dəvət olundu - FOTO

Tesla şirkətinin maraqla gözlənilən “Cybertruck” modeli üçün bu ayın sonunda təqdimat keçirilməsi planlaşdırılır. Bu təqdimat çərçivəsində ilk sahibləri ilə görüşəcək “Cybertruck” bütün dünyada maraq oyatmağı bacarıb.

Avtosfer.az xəbər verir ki, dülgər və avtomobil həvəskarı olan Truong Van Dao İlon Maskdan əvvəl elektrik pikapını işə salıb. Tamamilə eyni ölçüdə olan avtomobilin taxta variantı 100 gündən çox müddətə hazırlanıb.

Van Dao maşının taxta versiyasına LED işıqları və dönmə siqnallarını da daxil edib. Orjinal versiyadan fərqlənməyən avtomobilin tamamlanmasının 15 min dollara başa gəldiyi bildirilib. Əl istehsalı “Cybertruck”un videoları sosial mediada böyük marağa səbəb olub.

Van Dao “X” sosial şəbəkəsində  taxta “Cybertruck”un fotolarını paylaşıb. İlon Mask minlərlə insanın dəstəklədiyi dülgərin səsini eşidib. Onu bu həftə Tesla şirkətini gəzməyə və şəxsən görüşməyə dəvət edib.

Qeyd edək ki, Tesla bu yaxınlarda “X”də verdiyi açıqlamada 30 Noyabrda təqdimat mərasimi keçirəcəyini təsdiqləyib. Mərasimin “Gigafactory Texas”da keçirilməsi planlaşdırılır.

Məhəbbət