Texniki baxışa gedən sürücü başına gələnləri danışdı - FOTO

Bakıda avtomobilini texniki baxışdan keçirən sürücü sosial şəbəkədə məlumat paylaşıb. Azər Nəsirov adlı sürücü texniki baxış mərkəzindəki xidmətdən məmnun qaldığını bildirib. “Texniki baxışa görə Zabratda yerləşən texniki baxış mərkəzinə yollandım. Dövlət Yol Polisi İdarəsinin əməkdaşları məni yüksək səviyyədə qarşıladı. İlkin yoxlanış zamanı bəzi çatışmazlıqlar oldu. Onları aradan qaldırdıqdan sonra yenidən texniki baxış mərkəzinə yaxınlaşdım. Avtomobil müayinə edildikdən sonra kassaya 30 manat 40 qəpik dövlət rüsumunu ödədikdən sonra texniki baxışı tamamladım. Heç kim heç bir maneə törətmədi və məndən heç kim 1 manat əlavə pul tələb etmədi” – deyə sürücü Azər Nəsirov bildirib.

Könül