Terrorçular "Tesla"nı deşik-deşik etdi, təkərləri cırıldı - Sürücü belə xilas oldu - FOTO

Yolda HƏMAS silahlılarına rast gələn İsrail vətəndaşı elektromobil sayəsində xilas olub. Avtosfer.az xəbər verir ki, sürücü təxliyə yerinə gələrkən HƏMAS döyüşçülərinin olduğu pikapla rastlaşıb. Yaraqlılar avtomobili dayandırmaq üçün onun qabaq hissəsinə atəş açıblar. Məqsəd mühərriki sıradan çıxarmaq olub. Təbii ki, bu hissədə mühərrik olmadığı üçün maşın yoluna davam edib. 

Yaraqlıların "Tesla"nın “yanacaq çənini”  deşib maşını yandırmaq cəhdi də alınmayıb. Bundan sonra onlar elektromobilin təkərlərinə atəş açıblar. 
Maşın bu dəfə də sürücünü vəziyyətdən çıxarıb. Təkər boşalsa da o, 170 km/saat sürətlə uzaqlaşa bilib. Bu anda o hətta arvadını da xəbərdar edə bilib. 
Avtomobilə yüzdən çox güllə dəysə də,sürücü yüngül xəsarətlə qurtarıb.

Vüqar Yaşaroğlu