Tramp Çin avtomobillərinə 200% vergi vəd edib

Donald Tramp hakimiyyətə gələcəyi təqdirdə hazırki prezident Co Baydenin elektromobilə keçidlə bağlı qərarını ləğv edəcək.  

Avtosfer.az xəbər verir ki, prezidentliyə namizəd bunu Respublikaçılar partiyasının son iclasında bildirib. Tramp bildirib ki, Bayden 2032-ci ilədək ABŞ yollarındakı bütün təzə maşınların elektromobil olmasını istəyir. O, seçiləcəyi təqdirdə ləğv edəcəyi ilk qərar da bu olacaq. 
Prezidentliyə namizəd Çin avtomobilləri məsələsinə də toxunub. O qeyd edib ki, Çin şirkətləri ABŞ-yə satmaq üçün Meksikada nəhəng zavodlar tikir. O zavodlar ABŞ-yə daşınacaq və amerikalılar işlə təmin ediləcək.  Razılıq əldə edilməsə, Çin avtomobillərinə 200% vergi tətbiq ediləcək. Bununla da, sözügedən ölkənin üzünə ABŞ bazarı bağlanacaq.
Trampın fikrincə, ölmək üzrə olan ABŞ avtomobil sənayesini ancaq bu yolla ayaq üstə saxlamaq mümkündür.

Vüqar