Unikal konstruksiyalı tunel 45 dəqiqəlik yolu 7 dəqiqəyə endirəcək - FOTO

La Manş tuneli barədə kifayət qədər məlumat olduğundan bu barədə  təkrar danışmağa ehtiyac yoxdur. Lakin bir faktı deyək ki, bu tunel dəmir yolunun tarixi vətəni olan Britaniyanı Avropa ilə birləşdirib. Tunelin iqtisadi əhəmiyyəti də hər kəsə məlumdur. 
Avropanın ən böyük tuneli isə 24,5 kilometrlik Lardal tunelidir. Bu tunel Norveçin şəhərləri arasında məsafəni qısaldıb. 

Avtosfer.az xəbər verir ki, Avropada daha bir unikal tunelin tikintisinə start verilib. Almaniyanı Danimarka ilə birləşdirəcək “Fehmarn Belt fixed link” tunelinin uzunluğu 18 kilopmetr olacaq.
Digər analoqlarından fərqli olaraq Fehmarn Belt tuneli üçün heç bir qazma işi aparılmayacaq. Tunelin qalareyaları betodan hazırlanaraq Baltik dənizindəki eyni adlı boğazın dibinə yerləşdiriləcək. Bu məqsədlə betondan hər biri 73 000 ton ağırlıqda 89 seksiya hazırlanacaq. 3 ayrı seksiyadan ibarət tunelin 2 seksiyasında ikitərəfli avtomobil yolu olacaq. Daha 2 seksiya isə ikixətli dəmir yolu üçün nəzərdə tutulub. 
Layihə başa çatdıqda Almaniya ilə Danimarka arasında məsafə qısalacaq. Hazırda bərə ilə bir ölkədən digərinə səyahət 45 dəqiqə çəkir. Tunel hazır olduqda avtomobillə bir ölkədən digərinə 10 dəqiqəyə getmək mümkün olacaq. Qatarla isə cəmi 7 dəqiqə kifayət edəcək. 
Ən əsası, Kopenhagenlə Hamburq arasında qatar yolu ilə 4 saat 30 dəqiqədən 2 saat 30 dəqiqəyə enəcək. İtaliyadan isə Skandinaviya ölkələrinə birbaşa qatar reysləri açılacaq. 
Tunelin 2029-cu ildə istismara verilməsi nəzərdə tutulur.

Vüqar