Yadplanetlilərin siqnallarının təyin edilə biləcək vaxtı açıqlandı

Alimlər yadplanetlilərin siqnallarını əldə edəcəkləri tarixi açıqlayıblar. 

Bu barədə “No Worries” portalı məlumat yayıb. 

Bəşəriyyətin bütün səylərinə baxmayaraq hələ də yad siqnallar aşkar edilə bilmir və bunun nə vaxt baş verəcəyi sualına cavab vermək üçün elm adamları məsaməli süngər materialların statistik tədqiqi modelini əsas götürüblər.

Problemin həlli üçün iki əsas fərziyə irəli sürülüb. Birincisi, Süd Yolunda istənilən vaxt texnoloji mənşəli ən azı bir elektromaqnit siqnalı olmalıdır. İkincisi, Yer kürəsi ən azı 60 ildir ki, “sükut zonasında”dır. Yəni bu müddət ərzində Yer kürəsinə heç bir yadplanetli radio siqnalı dəyməyib və ya nədənsə aşkar olunmayıb.

Statistik modelin hesablanması Yerin və yadplanetli radioemitentlərin şərti süngərin “məsamələrində” yerləşdirilməsinə əsaslanır. Sonra optimist və pessimist ehtimal paylamaları qurulur. Ən yaxşı halda, yadplanetlilərin kəşfiyyatı ilə görüşü müsbət hal hesab etsək, 60 il ərzində yadplanetlilərdən radio siqnalı almaq mümkün olacaq. 

Ən pis halda, yadplanetli mənşəli süni siqnalın qeydiyyatı ən azı 2000 il gözləməli olacaq. (lent.az)