Yağışdan çıxıb yağmura düşən iranlı qadınlar - FOTO

Dünya ölkələrində polis kameralardan ümumi təhlükəsizliyə, kəmərdən istifadəyə və ya yol hərəkəti iştirakçılarının qeyri-adekvat davranışına nəzarət üçün istifadə edir. Lakin kameraların başqa təyinatı da ortaya çıxıb. 

Avtosfer.az-ın xəbərinə görə, İran polisi indi də kameralardan qadınların geyiminə nəzarət üçün istifadə edir. Bir müddət əvvəl başlayan proqramın adı da elə farsca “Nazer-1” adlanır, yəni nəzarət. 

Proqramın iş prinsipi sadədir: avtomobildə çadrasız hərəkət edən qadınları aşkar edib cərimələmək. 

Bu situasiyada məşhur “yağışdan çıxdıq, yağmura düşdük” məsəli yerinə düşür. Dekabr ayında əxlaq polisinin ləğv edildiyi deyilərkən ağıllı iranlılar bunun yerinə daha pisinin gələcəyini söyləyirdilər. Proqnozun özünü doğrultması üçün çox gözləmək lazım gəlmədi.

Vüqar