Yanacaq doldurmağı arvada həvalə edən sürücünün başına iş gəldi

Bu maraqlı hadisə də Fransanın İvelin departamentində baş verib.
Avtosfer.az xəbər verir ki, yanacaqdoldurma məntəqəsinə girən sürücü telefonla hansısa məsələni həll etməyə məşğul olduğu üçün benzin doldurmağı arvadına həvalə edib. Arvad isə 95 benzin əvəzinə avtomobilə dizel yanacağı doldurub. Bir neçə kilometr getdikdən sonra avtomobildə nasazlıq yarandığını görən sürücü servisə müraciət edib. Servisdə müayinə zamanı mühərrikin saz olduğu, lakin çənə dizel yanacağı töküldüyü müəyyən edilib. Bütün sistem boşaldılıb, filtrlər dəyişdikdən sonra mühərrik normal işləyib.
Ən maraqlısı budur ki, təmir xərcini heç bir təqsiri olmadığı halda yanacaqdoldurma məntəqəsi üzərinə götürüb. Üstəgəl, sürücüyə 1 çən yanacaq hədiyyə edilib. 

PS. Bizdəki keyfiyyətsiz benzin satan, və ya benzin oğurlayan yanacaqdoldurma məntəqələri görəsən bu xəbərə necə reaksiya verəcəklər? Yəqin ağıllarına ilk gələn Fransanın ermənipərəst mövqeyi olacaq. 
Bir faktı da xatırladaq ki, Azərbaycandan kənarda yanacaqdoldurma məntəqələrində operator yoxdur, özünəxidmətdir.

Vüqar