Yanacaqdoldurma məntəqəsindən lotereya aldı və cekpot qazandı

ABŞ-ın Miçiqan ştatının sakini yanacaqdoldurma məntəqəsindən aldığı lotereya biletinin sayəsində cekpot qazanıb.

53 yaşlı amerikalı bildirib ki, qazandığı 1 milyon dolların sevincini ilk olaraq həyat yoldaşı ilə bölüşüb.

“Əvvəl inanmadım! Dərhal evə getdim, həyat yoldaşıma şad xəbəri dedim və ondan biletəi bir də yoxlamasını istədi. İkimiz də çox həyəcanlandıq”, - deyə cekpot qazanan şəxs söyləyib.

Cekpotun qalibi bildirib ki, uduşun bir hissəsini nəvələrinə ayıracaq, məbləğin qalanını isə qocalığında xərcləməyi planlaşdırır. (oxu.az)