Yanğınsöndürənlər təqdimat verdi, 60 sürücü cərimələndi

Fransanın Uaz departamentində yanğını çəkən sürücülər     cərimələnib.

Avtosfer.az-ın xəbərinə görə, yol kənarındakı meşə yanğınına müdaxilə edən yanğınsöndürənləri çəkmək üçün sürücülər sürəti azaldıb, bununla da A1 magistralında tıxac yaranıb. Bu həm də əraziyə su daşıyan texnikanın işini çətinləşdirib. 

Lakin fransız yanğınsöndürənlər başqa cür davranıb. Onlar yanğını telefonla çəkən sürücülərin fotolarını çəkərək polisə ötürüblər. Yanğınsöndürənlərdən birinin dediyinə görə, hər 3 sürücüdən biri çəkilişlə məşğul olduğundan xırda qəzalar da baş verib. 

Polis də vəsatəti təmin edərək 60 sürücünün hərəkətini 135 avro cərimə və 3 balla cəzalandırıb. 

Bir sual da ortaya çıxır: Sürücü nəyisə çəkə bilməzmi? 
Fransa qanunvericiliyinə görə, sürücü hərəkət vaxtı telefondan istifadə edə bilməz. Sərnişinin hansısa hadisəni çəkməsinə isə heç bir qadağa yoxdur.