Yaşlılar üçün ən yaxşı şirniyyat: sümükləri gücləndirir, qan təzyiqini aşağı salır

"Yaşlı insanlar üçün ən sağlam şirniyyat halvadır". Avtosfer.az xəbər verir ki, bunu diyetoloq Yelena Solomatina deyib.

Halvanın tərkibində mədə-bağırsaq traktının düzgün işləməsi üçün zəruri olan lif var.

"Halvanın bir neçə növü var ki, onların hər biri faydalı maddələrlə zəngindir. Məsələn, günəbaxan halvasının tərkibində E vitamini var ki, bu da ürək və damar xəstəliklərinin inkişaf riskini azaldır, həmçinin qocalma prosesini ləngidir. Fıstıq halvası sümüklərin, dərinin, dişlərin, vətərlərin və qığırdaqların sağlamlığı üçün zəruri olan rekord miqdarda silisium ehtiva edir. Kətan halvası xolesterol səviyyəsini sabitləşdirən və iltihablı proseslərin qarşısını alan çoxlu miqdarda omeqa-3 yağ turşularını ehtiva edir.

Küncüt halvasında kalsium, badam halvasında isə çoxlu maqnezium var ki, bu da qan təzyiqini sakitləşdirir və aşağı salır. Əks göstərişlərə gəlincə, halva şəkərli diabet xəstələri, piylənmə və insulin müqaviməti olan insanlar tərəfindən istehlak edilməməlidir". (moderator.az)