Yeddinci qitə yaranır

Beynəlxalq tədqiqat qrupu, yeni, yeddinci qitənin meydana gəlməsinin Yer üzündə sürətlə getdiyini kəşf edib.

Lent.az-ın xarici mediaya istinadla verdiyi xəbərə görə, bu qitənin Hind okeanının sularında yaranması gözlənilir. İlkin məlumatlar təsdiqlənərsə, bu proses elmdə dönüş nöqtəsi olacaq.
Bu cür nəticələr Kerqelen arxipelağında torpağın tədqiqi zamanı edilib.

Əldə edilən məlumatlar Yer üzündə mövcud qitələrin meydana gəlməsi nəzəriyyəsinin yenidən nəzərdən keçirilməli olduğunu söyləməyə imkan verir.

İndiyə qədər qitələrin üst qatının yalnız litosferik plitələrin qarşılıqlı təsir zonasında, yəni quru və okeanlar sərhədində meydana gələ biləcəyi qəbul edilib.

Ancaq bu nəzəriyyədir və təcrübə göstərir ki, gələcək qitələrin üst qatının əmələ gəlməsi Kerqelen arxipelaqında olduğu kimi okean yaylalarında da ola bilər.

Mütəxəssislər onu qədim vulkanların zirvəsi adlandırırlar və püskürməsi nəticəsində qalın bir yer qatı olan adaların meydana gəlməsinə səbəb olur.

Müasir tədqiqatçılar arxipelaq qabığında bu günə qədər yalnız əmələ gələn qitələrdə tapılmış süxurların magmatik müdaxiləsini aşkar ediblər.

Kəşf tədricən arxipelaqın yeddinci qitənin təməli olacağını göstərir.