Yeni radarlar ekoloqların narazılığına səbəb oldu

İspaniyada polis sürət rejiminə nəzarət üçün yeni metod tətbiq etməyə başlayıb. 

Avtosfer.az xəbər verir ki, Kataloniyada polis sürət rejiminə helikopterdə quraşdırılmış radarla nəzarət edir. Bu cihazlar sürəti daha dəqiq ölçür, həm də avtomobili istənilən qədər nəzarətdə saxlaya bilir. 
Helikopterlərdən stasionar radar quraşdırmaq mümkün olmayan yerdə istifadə edilir.  Bir helikopterin 1 saatlıq uçuşu zamanı 15 qayda pozuntusu qeydə alındı. 
Bu  cür nəzarət polisləri razı salsa da, ekoloq və iqtisadçılarda narazılıq doğurub. Ekoloqların fikrincə bir neçə qayda pozuntusu üçün helikopter qaldıraraq böyük həcmdə yanacaq sərf etmək təbiətə ziyan vurur. İqtisadçılar isə bu qənaətdədirlər ki, bu yolla aşkar edilmiş xətalara tətbiq edilən cərimə məbləği helikopterin heç yanacaq xərcini ödəmir.

Vüqar