![“Nikosayağı” qəzaya düşdüyü avtomobilinin nömrəsini satışa çıxardı – MƏBLƏĞ - FOTO](/upload/news/small/673150.jpg)
Yeni rekordçu mühərrik: 2 litr, 600 at gücü - FOTO
![Yeni rekordçu mühərrik: 2 litr, 600 at gücü - FOTO](/upload/news/3061947.png)
Toyota şirkəti yeni benzin mühərriki təqdim edib.
Avtosfer.az xəbər verir ki, şirkətin layihələndirdiyi 2 litrlik turbo mühərrik 600 at gücü hasil edə bilir. Hələlik bu mühərrikin hansı modelə quraşdırılacağı məlum olmasa da, transmissiya bəllidir: mühərrikdən hasil edilən güc təkərlərə 8 pilləli avtomat və ya 6 pilləli mexaniki sürət qutusu ilə ötürüləcək.
Yapon istehsalçı bu mühərriklə Mercedes şirkətinin 2019-cu ildəki rekordunu qabaqlayıb. Həmin vaxt alman şirkəti 2 litrlik mühərrikdən 400 at gücü hasil edə bilmişdi.
Belə bir sual da ortaya çıxır: Avropa və ABŞ daxiliyanma mühərrikini qadağan etməyə hazırlaşdığı vaxtda Toyota hansı məntiqlə benzin mühərrikləri təkmilləşdirir?
Şirkət özü bu suala adekvat cavab verib. Yapon istehsalçı bildirib ki, Avropada tətbiq edilən qadağa onların ahnsısa sahəyə investisiya qoyması üçün əsas deyil. Avropalılar üçün onların tələb etdiyi avtomobillər hazırlanacaq. Lakin planetin əksər hissəsi yaxın 20 ildə ənənəvi mühərriklərdən imtina etməyə hazır deyil. Bu bazar da boş buraxılmamalıdır.
Vüqar Yaşaroğlu