Yeni sürət qatarı

Türkiyədə İstanbul-Konya sürət dəmiryol xətti istismara verilib. Trend-in "TRT Haber" telekanalına istinadən verdiyi məlumata görə, uzunluğu 715 kilometr olan yeni dəmiryol xəttinin açılışında Türkiyə Prezidenti Rəcəb Tayyib Ərdoğan və ölkənin digər rəsmi şəxsləri iştirak ediblər. Tələbələr, hərbçilər və 60 yaşdan yuxarı şəxslər yeni dəmiryol xəttindən 20 faizlik endirimlə istifadə edəcəklər. Bir istiqamət üçün biletin qiyməti 42,5 türk lirəsi olacaq. Yeni dəmiryol xəttinin istismara verilməsi ilə İstanbuldan Konyaya və əksinə 4 saata çatmaq mümkün olacaq.