Yuxusuzluqdan əziyyət çəkir, spirtli içki aludəçisidir, insanlar aclıqdan ölür

Şimali Koreya lideri Kim Çen In yuxusuzluqdan və artıq çəkidən əziyyət çəkir, eyni zamanda alkoqol və siqaret aludəçisidir.

Bu barədə “Korea Herald” xəbər yayıb.
 
Parlamentin kəşfiyyat komitəsinin icraçı katibi və Nümayəndələr Palatasının üzvü Yo San-Bomanın sözlərinə görə, Kimin yuxusu ciddi şəkildə pozulur, alkoqol və tütündən sui-istifadə edir.
 
Milli Kəşfiyyat Xidməti Şimali Koreya hökumətinin yuxusuzluğu müalicə etmək üçün istifadə edilən dərmanları ehtiyatda saxladığını aşkar edib. Xüsusilə, zolpidem, həmçinin əhəmiyyətli miqdarda spirt və xarici marka siqaretlər, o cümlədən “Marlboro” və “Dunhill”.

 
Kimin səhhətində yaranan digər problem bilək və qolunda cızıq izlərinə bənzəyən izlərdir. Ola bilsin ki, onlar stress və allergiyadan təsirlənən dəri vəziyyətinin nəticəsidir. Süni intellekt təhlili diktatorun təxminən 140 kiloqram ağırlığında olduğunu göstərib.
 
Bununla paralel olaraq kəşfiyyat KXDR sakinlərinin həyat şəraitinin pisləşdiyini qeyd edib. 2023-cü ildə zorakılıq cinayətlərinin sayı 2022-ci ilin eyni dövrü ilə müqayisədə üç dəfə artıb.

Bu il aclıqdan ölənlərin səviyyəsi keçən ilin eyni vaxtı ilə müqayisədə təxminən üç dəfə çoxalıb. İl ərzində düyü və qarğıdalının maya dəyəri müvafiq olaraq 30 və 60 faiz artıb.

İntihardan ölümlər 40 faiz artıb və may ayında Pxenyanda “qızdırma” halları yayılmağa başlayıb. Bu, şəhərə giriş və çıxışda növbəti məhdudiyyətlərə səbəb olub. Kəşfiyyat agentliyi həmçinin hesab edir ki, KXDR-ə hərbi kəşfiyyat peykini buraxmaq üçün yenidən cəhd etmək üçün ən azı daha bir neçə həftə lazımdır. (lent.az)