"Zibillikdən butulka yığanlar da vergi ödəməlidir" - Ekspert

"Zibil qablarından butulkaları yığıb, təmizləyib və aparıb lazımı yerlərə təhvil verirlərsə, bu, artıq bir növ sahibkarlıq fəaliyyəti hesab olunur”.

Bunu Qaynarinfo-ya açıqlamasında iqtisadçı ekspert Xalid Kərimli deyib.

Ekspert bu məsələdə vergi tətbiqinin mümkünlüyünü qeyd edib.

X.Kərimli hesab edir ki, bu məsələdə iki məqama diqqət yetirmək lazımdır:

“Biri zibillikdən ərzaq yığırsa, buna maddi yardımın istehlakçısı kimi baxılır və vergidən azaddır. Amma kimsə zibillikdən butulka yığırsa və onu satırsa, bu, sahibkarlıq fəaliyyətidir. Bu məsələdə vergi ödənməlidir. Bu proses həmişə olub”.

Ekspert Almaiyada bundan iki məqsədlə istifadə edildiyini xatırladıb:

"Biri küçələrin təmizlənməsi, ikincisi də yenidən emal edilməsi”.