22 yaşlı oğlan iki həmkəndlisini bıçaqladı

Zaqatala rayonunda 22 yaşlı gənc iki nəfəri bıçaqlayıb.

Avtosfer.az xəbər verir ki, hadisə gecə saatlarında rayonun Faldarlı kəndində baş verib.  

Belə ki, 2002-ci il təvəllüdlü Vasif Kərimov aralarında yaranmış mübahisə zəminində həmkəndliləri 1999-cu il təvəllüdlü Tural Səfərov və Emin Rüstəmova bıçaqla xəsarət yetirib. 

DİN-in Mətbuat Xidmətinin Şəki regional qrupundan bildirilib ki, polis əməkdaşlarının keçirdikləri tədbirlərlə əməli törətməkdə şübhəli bilinən V.Kərimov saxlanılıb.

Müvafiq ekspertiza təyin olunub, araşdırmalar davam etdirilir.