ABŞ-da sürücünün avtomobili kütlənin üzərinə sürməsi nəticəsində 1 nəfər ölüb, 15 nəfər yaralanıb

ABŞ-ın Pensilvaniya ştatının Bervik şəhərində xeyriyyə tədbirinin keçirildiyi məkanda sürücü avtomobili kütlənin üzərinə sürüb.

APA-nın xəbərinə görə, bu barədə “Fox News” telekanalı məlumat yayıb.

Hadisə nəticəsində bir nəfər ölüb, 15 nəfər yaralanıb.

Yaralılardan ikisinin vəziyyəti ağır qiymətləndirilir.

Bildirilir ki, xəsarət alanlar arasında 5 uşaq var.

Yaralıların daşınması üçün hava nəqliyyatından istifadə edilib.

Hadisəni törədənşəxs polis tərəfindən saxlanılıb.